التهجير يابني مهر مالو لجام
شربل زغيب
*هنا بعض الصور الشعرية حول ما رأيته بأم العين سنة ٢٠٠٠
في إحدى القرى الشوفية أثناء وجودي فيها بداعي العمل في قطاع البناء:
لما ظروف الشغل حكموني
قصدت أرض الشوف من جوني
عا جنب نهر مسابق الإيام
باقي عا كتفو شبه طاحوني
النهر ودّاني مع الأنغام
ولا تسألو شو شفت بعيوني
شفت الهشيم على الطبيعة حرام
وبالإسم كان في بيوت مسكوني
وأشجار صارو يشبهو الأيتام
لا تمر لا في وراق، لا موني
وفيهن غصون بيشبهو لقلام
حاكيتهن بالصمت حاكوني
وختيار خبرني عن الأجرام
الماضي بعيونو دموع مسجوني
أول لْرِجعو يجددو الأحلام
وقلي بنهده كلها سخوني
التهجير يابني مهر مالو لجام
العوده نمل عا كعب زيتوني
بدنا يا إبني يعدلو الحكّام
مش هَون قسوة ومطرح ليوني
العوده ما هيي مال بالأرقام
العوده كرامه، وطالبين كتار
ما تضلها الأشخاص مرهوني
(Zolpidem)
