أهمية اليد في التعبير
أديب أبو مراد
استعمال كلمة “اليد” في اللهجة اللبنانيه :
– إيدو بيضا : يعني صاحب فضل و خير و معروف
– إيدو ماسكة : بخيل .
– إيدو خضرا : يزرع وتُثمِر زريعته ،موفق و مرزوق
– إيدو طايلة : بيقدر يعمل أشياء كبيرة ، بالحكومة .
– إيدو واصلة : واسطة قوية .
– إيدو طويلة : يؤذي من حوله .
– إيدو خفيفة حرامي أو شاطر .
– إيدو مبخوشة : أي مبذر ، مسرف .
– إيدو ع قلبو : بيخاف كتير .
– إيدو والكف : عصبي ، مافي معه تفاهم .
– إيدو بحلقو : صارف عليه و هاديه و عازمه ألف مرة
– إيدي بزنارك : أطلب مساعدتك ، نجدتك السريعة .
– إيد من ورا وايد من قدام : مفلّس.. مامعو شي
– جاية عّم يلولح بإيديه: راجع ما جايب اَي غرض
– إيدك وماتعطيك: ،تهديدية، يللي بيطلع بايدك ابقى ساويه
ودمتم سالمين.
