ع زيح…..
فيفيان طه
بحياة رب الابجدية كلها
وحق الحكي اللي اولو تلميح
وحروف يمكن ساكنه ع حلها
وورود بعدا باول التفتيح
بحلف بروح الالهة اللي بجلها
وموسم كرز بوجودكم تلويح
روحي بتبقى ساكنه بمحلها
بعز البرد لو عاصفي هالريح
مادام انتو لحياتي ظلها
منكم مابسمع بالحكي تجريح
الحروف منكم رح بتروي غلها
ومتلا انا من بينكم مابزيح
القصدان الكم رح يفتح فلّها
بقلوبكم مادام باقي سطر
بتبقى حروفي تنكتب ع الزيح
