قولوا آمين
بندر الفدغوش
(الكويت)
يا ربّ يا مرسل بالإسلام طاها،،
يا منزّلٍ عم ّ وتبارك وياسين،
يا الله تعز بلادنا واتحباها،،
بنور الأمان وعزة الأمن والدين
دارٍ بها في كل حال انتباها،،
وحبه جرى بالدم وسط الشرايين
مني تمكن بالضماير غلاها،،
وكل الشعب للمملكة دوم وافين
نوفي ونقهر بالمواقف اعداها،،
وبأرواحنا دون الوطن مستعدين
في برها في بحرها مع سماها،،
حنا فداها ساعة العسر واللين
نفنى بعز ولا يكدّر صفاها،،
ولا تشتكي دام المطاليق حيين
دار سمت في كل محفل عطاها،،
وشعارها نخلة نماء بين سيفين
يا الله تعز اللي بعدله رعاها،،
وأرسى لها في موكب النور تمكين
نبراس دار الخير حامي حماها،،
خادم حرم مكة وطيبة على الزين
بين الدول شاد ورفع مستواها،،
والشعب وافي والقيادة تقيين
بين المحاني ما تزلزل ولاها،،
وفي ظل حكام الوطن نوفي الدين
الدار صوت ٍ والمواطن صداها،،
وحكامها بالطيب فعل وبراهين
أسرة فخر وأمجاد يذري ذراها،،
اللي لهم بالعز ترجح موازين
يقوله اللي يفتخر في ثراها،،
وداره منارٍ بين كل البلادين
في ختمها قلنا مثل مبتداها،،
يا الله تعز المملكة قولوا آمين
