الليل موّال

راشد العزاني

دوخر

 

أمّـك ودمـع الحـزن مـن عـقـبـها سال

غـرقــن عـيـونك بالنّـدم و افْـضحـنّـك

 

ليتك سبقت الوقــت وسْـقيتها وصـال

يـَلـيـن تـنـبـت ضـحـكـةٍ فـــوق سـِنّـك

 

كانت تشـوفك كـون واشْـفـاهـك آمـال

والوعـد قلته فحـضـنها وخـــاب ظنّك

 

كانت ذرى ، والشمس تنسج لها ضلال

تخـجــل تـحــرّقــها وهـي دون مــنّـك

 

كـانـت شـفـا للعـوق ، وبْصــوتـهـا زال

تـقــرا عـلـيـك وقـلـبــهـا يـذود عــنّـك

 

لـو للمـرض قـاضــي تسـاومه بالحـال

والمــال يـبـقـالك عـلـى صـغـر سـنّـك

 

لجْــلك تعــاف النــوم واللــيـل مــوّال

أرســل لحــونـه الطـــايره يوقّـضــنّـك

 

ويـهــك سـفـر للبـيـت لـو لـيـلـها طال

ودايـم مـشـاعـرهـا بحـنـان احْـضننّك

 

مـا كــنّـــها الّا رحـــمـــة الــرّب نــزّال

الكـــف بـيــتــك والعـيــون احفـظنّك