مبارح كنت عّم لبسِك مريول
عنتر رزق الله
غمرتِك بعاطفتي جنب خَيِّك
بِروح متل الناي مبحوحه
صار الفرَح سكران مع بَيِّك
وتسكَر دني والروح مرجوحه
يا فرحتي كل ما يجي تشرين
تغفي عَ صدري وقوم غطيكِ
تتغنَّجي بعيونِك الحلوين
تَ يفرحو عيون الفجر فيكِ
تتمايلي عَ لفحة النسمات
وجرب عَ بكرا بلطف وعّيكِ
تتبسمي ويتضحَّكوا الغمزات
والشَّمس وجّ الصبح تحكيكِ
يا رجوتي يا ساحره المعقول
مش مصدَّق كيف هنيكِ
مبارح كنت عم لبّسِك مريول
جايي تَ باقي العمر أعطيكِ
