رده حنينه
أنفاس الفجر
(شاعرة- السعودية)
ياعيونه
ياجنونه
ياضلوعه
يايدينه
يا شفاة الصمت
ياحسرة وتينه
يا سنينه
ليه طالت هالمسافه
بين اضلاعي
وبينه
ليه كل ماقلت اقرب
واقترب
يصبح سراب وما الامسها
يدينه
ليه اتمنى اشوفه
ليه يظهر بس خوفه
ليه اكثر شي يُحكى
ياظروفي يا ظروفه
ليه ليه
بألف آه والف تيه
في عيون الوقت
من غابت سفينه
اضطرب نبض المرافي
وبان ماقد كان خافي
شكلها حزة تجافي
لشخص وافي
يوم قرر هالحبيب
انه الليله يغيب
راح للشطئان يطلب
رحله البعد الاكيد
رحله البعد الاكيد
وليتني ما رحت خلفه
ولا سمعت بإذني حرفه
وانصدم قلبي بحتفه
يوم ودعني وقال
غاليك لاتذكرينه
آآآه ياكبر الغبينه
ماتبعته
بس بعده
جيت للشطئان ابحث
عن رساله عن حقيقه
عن شعوره في وثيقه
لان بعده ما اطيقه
قلت وينه
وقال لي المرفأ
تبينه ..!؟
قلت اييه
اييييه ابيه
وايييه اريده
قال لايمكن يعوّد
الا لارده حنينه
الا لا رده حنينه
