يا متعب للشوق

هيام أحمد العجلان

(شاعرة- البحرين)

 

سلام يازين على النفس نبديه..

سلام لو عييت رد السلامي..

انت العزيز الي على الدوم نغليه..

وانت الوليف الي به القلب هامي..

يالي غرامي لك محد يجاريه..

يحظن غرام الكون كله غرامي..

غرام يفدي ارضاك والزعل يشريه..

غرام لو تجفيه حاله عدامي..

اسهر وليل الوجد صعبه تواليه..

يالي تباري الصقر روف الحمامي..

وارحم ترانا الوصل بالروح نشريه..

وانت الفهيم الي يفرز الكلامي..

ومن قال غير الحق اجفاه اعصيه..

عاتب حبيبي ارجوك برر خصامي..

ليه الجفا مادمت تبكي لياليه..

هلكيف يبكي البدر ليل الهيامي ..

حرام حبس الشوق بالوصل راضيه..

راضي حنينك خل عنك الملامي..

اشلون تبغي الحب واتقول نجفيه..

ويوم البعد تطويه الفين عامي..

حرام هجرك لي ماعدت اقويه..

وانت عليل الشوق حالك سقامي..

 

ناوي على قلبي بالبعاد تكويه..

ولا على نفسك تحرم المنامي..

مالك غنى والبعد مالك امل فيه..

كيف النبع يسليه من كان ضامي..

ان ردت تقاضي القلب الحين قاضيه..

وكاد ناسي انك لقلبي محامي..

 

مالك مفرحبي ولالي الغيه..

يصحا الهوى يازين فينا وينامي..

اعلن سلام الحب مادمت باغيه..

ياما خضع للحب ناس عضامي..

وافتح خفوقك حب بالحب نرويه..

يامن انا مسعاه وهو مرامي..

يامتعب للشوق والقلب مزريه..

افتح ربوع القلب واجبر سلامي..