بِكْذُب عَ حالي

قيصرمخائيل

بِكْذُب عَ حالي

مِن أنا و زغير ..

وبفكّر بكتره ..

وبصدّق الفكره ..

وبصير إحلم.. إرسم البكرا ..

 شو كنت إتخايل عَ غفله طير ..

وعبّي الدني بِي جيبةِ السكره…

كنتِ إسرج خيل مكنسة القصب ..

وإملك أراضي وْساع

من كمشةْ لِعب …

وخيّط غِيوم لْ خَزَّقِتها الرّيح ..

وشوف الشتي متعلَّق مراجيح ..

ما بْتُقطع حبالو .. وَلا بتتعب ..

وِلْهلّق بْصدّق أنا الأحلام ..

بغمّض عِنَيّي ، بقشعك حدّي ..

وِجِّك ببالي.. جِسمك مخدّي ..

بضُمّا عَ صدري.. بْ بوّسا وِبْنام .. (Valium)

ولا يوم هيّي بوّست خدي ..