فحل المنابر
بلغ الشاعر المطبوع إلياس خليل نبا خضوع السفير الدكتور جهاد نعمان صباح الجمعة ١٥ ايار، لعملية جراحية في مستشفى راهبات عجلتون/ كسروان، فانشد لتوه هذه الابيات الشعرية تعبيرا عن تقديره للمفكر الأديب ولانشطته الكتابية والتعليمية في جامعات لبنان والخارج:
يا دكتور بأمجادك
طلابك متل ولادك
وأفضالك مابتتمحى
ونحنا منشبع من زادك
انشالله من كروم الصحه
بتقطف غلة جهادك
يا دكتور الأكابر
ظرفك بالصحه عابر
إنت الحكمه وإنت الذوق
وعا الدهر القاسي صابر
ومازال دماغك من فوق
أوعا تخاف من الجرّاح
بتبقى فحل المنابر
بتبقى بالكرم عناقيد
سكّرها زياده وبتفيد
ولما بيعصرها الفلاح
منشربها بالكاس نبيد
***
*سلامتك وبالشفا التام
