وإذا…
لميا أ. و. الدويهي
وإذا كنت محروم
أو مَغروم وموجوع
أو فاقد أحبَّة ومَقهور
وصوتك ما عم بيودِّي
لمَّا النَّبرَة تعلِّي…
لا تخاف تعَبِّر عن الإحساس
وِتْطَلِّع الشعور من الأعماق…
وإذا ما لقيت صدى
يحرِّرك من الآهات
بتعوم عصفحة الوجود
مطرح ما الحبّ، أصل الوجود
بيحوي عمق الغُموض
بيحرِّر الشعور المكتوم
وبيحلِّق عجنح الرُّوح
لمدى بالرُّوح
بعدو مش ملموس
بيخلِّي الوجع مع الوقت ينوس
ولو بقي منُّو شي مرقَّد بالنِّفوس…
٤ /٢ /٢٠٢١