أول حُب
أمير الغزل-نبيل معوض
كان الطقس صيفي بعيد الميلاد والصبي لي عمره عشر سنين عم يحلم بطيارة ورق يطيرها اول مرة بحياته ..هبك بيو وعده بس تخلص السنه الدراسيه ولكن لا الصبي ولا الاب قدروا ينطرو فصل الصيف وكانت الطيارة هدية الاب لابنه بعيد الميلاد ..اخد الصبي الطيارة عل بورة ورا بيتن منشان يطيرها من بعد ما اعطاه والده التعليمات .
ابن عشر سنين و اول مرة بيطير طيارة ورق ومبسوط فيا قد الدني وما بدو هل خيط ينقطع منشان ما تضيع منو الطيارة.. بس اللي صار انو طلع الهوا والطيارة صارت تعلي وحملت الصبي معها وصار يتمرجح بل هوا والطيارة تعلي والصبي متمسك بل خيط …طار فوق البنايات وكانو الناس طالعين من الكنيسه يوم الأحد شافوه …بلشو يصرخو افلت الخيط لك افلت الخيط قبل ما تعلي اكتر وتوقع تكسر حالك. لانو هلاء الهوا بيوقف فجاة..ولكنه بقي مكمش بل خيط ومش بس هيك ربطه ع خصره لان تعبو ايديه …عطش وجاع وحس بل برد وما كان يتخلى عن الطياره ولما علا راسه ت يتطمن ع الطيارة انها بعد ما تخزقت..كانت اختفت خلف الغيم..نقز بل اول ..وافتكر انو الخيط انقطع لكن ضل يحس في شي عم يشد فيه ..وما لحق اخد نفس لما شاف الغيم تحت منو ..وبلحظتا فلت الخيط من ايده فقد توازنه الصبي ووقع عل غيمه..كانت الغيمه بعز نومتها حست بشي لبد عليها وعيت وصارت توطي توطي صوب الأرض تتشتي ويقلا الصبي وطي بعد وطي بعد ت نزلته قدام الكنيسه..وكبست بالشتي تخبى تحت شجرة الزيتون منشان ما يترنخ…ومرقت الأيام وكبر الصبي وصار شب وبعده بيحس شي عم يشده من خصره كل ما رفع رأسه صوب السما الزرقا وكل ما بيطلع بعيون المرأة ل بيحبها.
(Xanax)
