رياح الهوجا..!!!
نبيل غصن
*في هذه الايام البائسة، لا يدور على ألسنة الناس وخصوصاً الشباب الا عبارة “بدنا نترك ها لبلاد .. تعبنا من المشاكل والخلافات .. وما بقا عنا مستقبل بهالبلاد”
العمر عالبواب…
ولادنا صاروا شباب
الربيع بكرا بيطِّلْ
متوّج بالورد وبالفلْ
..وناطرينو الكِلْ
من خلف العواصف جايي
جايي تَ يغيّرْ الحكايي
ويفرض الفرحه عَ الدربْ
ويزرَع الأمَلْ بالقلب ..
ومهما رياح الهَوجا تجٍنْ
بكرا رح تهدا وتكِنْ
يا شباب الله يعافيكُنْ
هالوطن عم بيناديكُنْ
يا ولادي عندي خليكُنْ
انا ما بكبَرْ غير فيكُنْ
وما بعْمَرْ الاّ بإيدَيكُنْ
ومهما رياح الهوَجا تجِنْ
بكرا رح تهدا وتكِنْ ..!!
