قومي اطلعي عالبال حابب إقشَعِك
عنتر رزق الله
شو العيد ؟؟ إنتي ومنِك قبالي
لا العيد عيد ولا أنا مرتاح
شو نطرت تا شوفِك ويهنالي
وعيش بهنا الإيام والأفراح
***
شو العمر؟؟ إنتي وبسمة الحلوه
عني بعيدي .. وبفتكر فيكي
تمنيت لاقي وجهك المضوي
وكل يوم همي كان راضيكي
***
وبتطالبيني بعيد عنِك كوّن
ومش مصدق كيف لأقيتِك
قضيت عمري إعشقِك بجنون
تا الورد زهَر عا درب بـيـتِـك
***
طلبت منِك مرحبا تقولي
عمري معِك بالعاطفه مجبول
شو صار ؟ صرتي كتيير مشغولي
خطِك عا طول مشعشع ومشغول
***
يمكن عا كتر الشوق حابب إسمعِك
لما خيالِك حَد مني نام
قومي اطلعي عالبال حابب إقشَعِك
قومي رجعي عالحلم .. بالأحلام
(rybelsus)
