أعذرك
ناصر الهاشمي
(عُمان)
جيتك عذر… ولا اعذرك
وانا تباريحي سحابة
وتمطرك
اقول يا مال الغياب
وحرقته
وانته كبيرٍ ع العتاب
وطرقته
تقرحت عيني… وانا
ناطر… وصال وما حصل
تطوحت روحي… وانا
متعلق … بطيف وامل
عله ….غيابك يضمحل
يكفيني كلمة
…مرحبا..
اجبر بها… سنيني
وتضمها…. عيني
اوقف… معي
واوقف… معك
نمشي بقايا عمرنا
…درب الصواب..
نفتح على الطيبات
…باااااااااااب..
انا اعذرك. ….واتفهمك
وانت تعذرني
يوووم….اسج وانهمك…
يا كل مالي ….فالوجود
انا على… صبرك
لو بيني وبينك… حدود
انا على… خبرك
وتقبله.. عذرك…
ياللي ….بداياتك سلام
خلي …حكاياتك سلام
لا تحرج الصبح
..بغياب..
لا تلّبس الورد
..الضباب..
وانا اعرفك..
كريم… يا طهر الثياب..
قول السلام ..بلا دموع
خلي الكلام ..يجيك طوع
قوم احتفي
من غير اهات ودموع
خلي الفرح يضوي شموع
ما عدت احب.. الليل..
دام القمر غايب
وما بيّن …سنا…
ما عاضني.. قنديل..
واخت القمر غابت
ولا بيّن …ونا..
جيتك وانا كلي… كلام…
وتحشرج بصدري… وصام…
من بعد هذا
اعذرك
ومن فوق عذري
اصبّرك
حتى الغياب
اللي كتبته… بصفحتي…
جاء يعذرك
لانك معي ..اكبر من..
..صروف الغياب..
لانك معي ..انقى من..
…حروف العتاب…
اعد وقفاتك ..معاي..
واعذرك
واعد زلاتي ..معاك..
واجبرك
جيت ..اعذرك…
..واستسمحك..
لآخر …حدود التراب..
وعن… العذر
اللي جبر ..فيني العتاب..
عن ..فرحتي..
عن …كل شي ..
إلا الغياب
الا الغياااااااااااااب
اللي …صررررررررخ …
ماااااااا … يعذرك…
