الناي
نورة السبيعي
(السعودية)
يانغمة العازف على شفة الناي
ياضحكة ٍ ترجمتها بطرف عيني
فرقاك يافرقاك ياروعة حكاي
ياصوتي المتعب وانا اقول ويني
يانوتةٍ رتبتها بخط يمناي
رسمتها بالشوق والحزن فيني
غردت لك بالحب والشوق وبكاي
اشكي لك غياب الوله ياضنيني
جلست في دوحي على صوت مغناي
اخذتني لعالم ابد مايبيني
قيدتني بحبك وجيتك من اقصاي
سلمت لك نبض الخفوق وحنيني
جافيتني ماقلت لي وش سواياي
ضيعتني والشوق لك مبتليني
طيرت عصفورك وله قلب شراي
معي انتظرك ورعشته في يديني
ضميت جنحانه وانا اضمد دماي
نزفي ألم ياغرير نزفك سنيني
ياقسوة العازف على شفة الناي
احرق شفاه الناي لاتحتريني
(Ambien)
