الشّهور والأمثال الشعبيّة

د. جان توما

يقول اللبناني في شمس الشّهر: “الشّهر إلي ما فيه حرف الشين شمسو ما بتضرّ”، وله مع كلّ شهر موقف منها:

كانون الأول والثاني: ” امش ع غيم كانون ولا تمشِ ع نقا شباط” (غدار) ،”يا لوز، يا مجنون، بتزّهر بكانون”،لا تأمل بصحو كانون ولا بغيم شباط”. وقال في شهر شباط: ” برد شباط بيمنع الجراد والقحاط”،” راح شباط الغدار وإجا آذار الهدار”،” متل شباط ما ع كلامو رباط”. ويقول عن شهر آذار: “غدار”. ” الزرع الي بموتو آذار ما بعيش بنيسان”، ” كل رعدة بآذار مطرة بنيسان”،” بآذار بيتساوى الليل والنهار”،” بسبعة آذار طيلع بقراتك برّات الدار”، ” خبّي فحماتك الكبار لشهر آذار”،” بواحد وعشرين آذار بيتساوى الليل والنهار”. وعن شهر نيسان: ” إياك بنيسان تأخّر حالك يا انسان”(للاسراع بالفلاحة)،” بنيسان إطف نارك، وافتح شبابيك دارك، واسبح بالشمس لزنارك”، ” بنيسان بتصير الدني عروس، وبخففوا الغطا والملبوس”، “بنيسان الحكم للنسوان (لانصرافهم للاعتناء بدودة القز)،”المطرة بنيسان بتحيي الإنسان، وجواهر غالية الأثمان”. وفي شهر إيار: “بإيار احمل منجلك واندار”(لقطع الحشائش)،”برد إيار خرّاب الديار”،” المطرة بإيار بتموّن الفلاح وبقراتو، وبتجوّز ولادو وبنيّاتو، ” نوار البرد اقعد بالفي وتذكّر إيام البرد”.

أما عن شهر حزيران: “بحزيران بتدفأ الحمير”،”بحزيران بيطلع موسم الحرير”،”حزيران شهر البسط والكيف، أولو ربيع وآخرو صيف”. وفي تموز:” بتموز بتدفي العجوز”،”بتموز بتغلي المي بالكوز”، وعن شهر آب: ” آب طباخ العنب والتين”،” آب اللهاب”،” بعشرين آب ادخل الكرم ولا تهاب”. وكما في شهر أيلول: ” بأيلول تموّن لعيالك، واخل الهم عن بالك”، ” بأيلول دبّر المكيول للعدس والحمص والفول”. كذلك في شهر تشرين:” بتشرين ودع العنب والتين”،” إلي ما شبع عنب وتين يشبع من مويّة تشرين أو إلي ما شبع من حليب إمو يشرب من مويّة تشرين (منعشة ولذيذة)، اجا تشرين الثاني ما عدنا نشوف لا حيّة ولا برغشة ولا دبانة”.

(Ambien)