بيت وبيت

بسكال بلّان النشّار

 

بين البيت والبيت الدرب درب قداسة

خللي يا ربي هالبيت والعيد بقلبو دافي….

والزينة زينة بالمحبة لايفة ….

الناس بجوهرها الناس

تمشي عالدرب والنجمة

متل عيون الرب تدلو عا دنية …

فيها النور والكرامة….

مغارة يسوع زينتها

السلام والحب الصافي…..

ربي بالمزود موجود

ملك الملوك مشي حافي….

ويا ما بقصور الحجر والزخرفة

ما تلاقي غير الفقر والجوع للحق والتآخي….

وعيونك بتشوف عيون

مشردة ضايعة ..غرقانة

بالجاه والجواهر وباقية …

بمشوارها بالحياة وحيدة تايهة باكية….

عا رزقها وبملكها ملقطة وخايفة…..

وانت ربي بالجود

ثروة حنان وعاطفة….

ومزودك قصر ….

وعيون يوسف تلمع نجوم

بوجودك طفل بين دين مريم غافي….