مُختارات شعريّة وخواطر نثريّة لتوفيق عكو
وَقَع الكَلام،
بِمدرَسِة المَوْت
الحَرف ناطِر الصَوْت يِرجَع جديد
بِحروف جْديدِة يِتعَلّمها عَ لَوح المَوْت
سَكَتِت الأبجدية،
منِ رفوف الكتب، مِشيِت كِلّ حروف الكِتُب ،
صَفحات الكِتُب بِجْنازِة الإنسانيّة وِجنازِة أشلاء كانِت وْلاد ،
الورق اللي فُضي ناطِر لُغَة جديدِة يِخْلقا المَوت
وْيِنشرا الحَقّ خَلاص لَلحَياة
بِساحات الكَون
