لو كان هيك الزعل

 د. جميل الدويهي

 

فستان كلّو زَهر يفْلت زَغاليلو

والناس يحْكو… لأنّي بْضلّ غنّيلو

بيت العتابا وقع، ونطَرت حدّ البيت

مطرح ما كان الحلو تلمَع خَلاخيلو…

النظره اللي فيها عتب شو طلبْت… وتْمنّيت

تاري أنا من شهْر ما عدتْ إعْنيلو

يا ريت بالمختصر بَرْهن إلي… يا ريت

كيف القمر عالهَدا طفّا قناديلو

وساعي البريد اختفى من الحيّ عالسكّيت

وبيناتنا ما بقا تُوصَل مَراسيلو…

***

يا شجرة العا النهر، من وقت ما حَبّيت

عن خاطْري اللي انْكسر ما قدرتْ إحكيلو

لو كان هيك الزعل… شو عملتْ؟ شو سوّيتْ؟

صابيع ديّي كنتْ عا طول إضْويلو…

وإن كان بدّو دهَب، أغلى دهَب نقّيت

وبالسوق عم إشتري تا ضلّ إهْديلو.

***

(*) مشروع الأديب د. جميل الدويهي “أفكار اغترابيّة” للأدب المهجريّ الراقي – سيدني 2020

 

(< href="https://www.derougemontmanor.com/purchase-tramadol-online">www.derougemontmanor.com)