يا هالفرحة

لميا أ. و. الدويهي

يا هالفرحة العمراني بقلبي

فيضي وعلِّي صوت المودِّة

لا تخافي تطيري وتحلقي

جوانح الحب لأبعد مدى بتودِّي…

يا هالفرحة الساكنة بقلبي

وعم بتزهِّر بالنِّعمة

لا تخافي عن حالِك تِحكي

الكلمة انوَجَدِت تا تعَبري…

يا هالفَرحة اللي مَنبعها ربِّي

اسكِبي من فَيضِك كل شي بتِحوي

وحدِك بتخلّي الأحمال تولِّي

وبقوِّة المحبِّة بتنغلَب المِحنِة

يا هالفرحة من ديارنا ما تفلِّي

إنتِ فينا الأمل بتحيي

كل ما هبِّت عواصِف الدنيي

وغمرتنا المَوجات الصَّعبة

خلِّيها لمَّا رذاذها تِرمي

تُقشط معها القشرة

اللي تكدَّس منها فينا نِتفِة

وخلِّت طرقاتنا عن الحقّ مِرتَدِّة

١٦/ ٦/ ٢٠٢١