كلمة حق
الإمارات- مريم النقبي
(سجايا الروح)
قلت كلمة حق واشتعلت حريق
ومن يقول الحق مايلقى رفاق
لو تجامل كم بتلقى لك رفيق
و كم لكّ بتشوف من ربع النفاق!
لا يحّز بْخاطِرك لحظه وْ تضيق
ولا تحمّل نفسك اللي ما يُطاق
دامك انته صح كمّل هالطريق
في سبيل الحق لا تخشى فراق
لو خسرت اخوك او حتى صديق
المهم الحق .. لو تخسر سباق !
بَه مواقف تتركك في وسط ضيق
بس لاتهتّم ،، ولو ضاق الخناق
لو تسبب داخلك جرحٍ عميق
ولو تحس الصدر مِ الافعال ضاق
كــــل ضميــــرٍ نايمٍ بكـــره يفيق
من سبات الأمس قد صَحْصَحْ وفاق
قول كلمة حق لو تشعل حريق
لو …جفوك الناس أو تخسَرْ رفــــاق
