احظن عيوني
هيام احمد العجلان
(البحرين)
احظن عيوني.
ارجاك قلي وش الي يسكن بعينك.
حتى عيوني اتسمر لين تنظرها.
واتريب لالا اظنها تغوص في زينك.
واتصير كنها اسيره وانت آمرها.
وتقول ابي اهرب تسلم الله لايهينك.
هل كيف تشبك عيوني وماتحررها.
تاخذها وادي لوادي ومنهو يدينك.
والعين مو أي أي بنظره يأسرها.
تحظن عيوني وخفوقي نبظه بيدينك.
الروح ذابت وانا اسأل شلي يصهرها.
ماعدت املك خياري بين بحرينك.
لي جيت الم المشاعر قمت تنثرها.
حبك اسرني ونظرة عينك تعينك.
هو سحر ولا موت اوحب يغمرها.
جذاب تفتن ولكن قبل انت وينك.
وله اترصد حبيبي لحظه تنطرها.
وانت ابهدوئك ولطفك عطفك ولينك.
والشوق شرب عيونك لين خدرها.
ترسم لي بسمه تبين صدق تخمينك.
يومك تقول المحبه نظره تسطرها.
الحين لاتلوم قلبي كان يعني لك.
مابي يضيع حيايا نظره تنظرها.
