هالعينين الخضر
نبيل غصن
هالعينين الخضر
محلاهُن
مين اللي شافن
ما استحلاهن ؟
لِغتُّن …
أشعار وغناني
لفتِتُن …
نهدات عتباني
نجمين
تايهين بحرش ليل
نجم..
ابن الصبح
نجم..
ابن سهيل
من طَلِتُن
هالفَجر بدو يغار
والورد يفرشلُن
غمار غمار
مين عم يتصيَّدو
النظرات؟
ولمين عم بيطيّرو
الغمزات ؟
ليش مين قدّي
عم يدللهُن
يا ريت بعرف
مين شاغلْهُن
لو كنتْ بعرفُن
مين هِن
برتاح وما بقا
عِنْ .. ولا جِنّْ ..!!