نشاز العمر

راشد العزّاني

#دوخر

غشاني الليـل واسْقيت الأماني نــور

رويــت الـرّوح بآمـــالـي وتخـمــيني

وظنّيت العشق مبني على الدســتور

واثاري الصدق كاذب طاح مـن عيني

نثــرت الشـوق من قلبي وقلـبـه بـور

ويخــدعـني ســـرابـه ليــن يعـمـيني

نبت ذاك الجرح من غصّة الحنجـور

وبـــح الصّــوت بالحـســره يغـنّـيـني

نشـاز العمر واضح ،، لكــن الجمهور

بـِلا آذان يسـمـعـني ،،، ويـجـــفـــيني

يطـول اللـيـل وانفاس الفجر بالــزَّوُر

ويخــنـقـها الظّــلام اللــي معـنّــيني

توسّـلني الصّـباح ابـدا ، وانا مذعـور

وخــفــت افتــح عـيـونـي لا تودّيني

عـلـى ويـن الرحيل وعالمي مهجــور

وكــرّاســة حـيـاتـي ،، وين تلـويني ؟

رسمت الحلم في جفني وطن معمور

ومـات الكـل فـي عـيـني وْشـرايـيـني

يخاشرني الحزن في لحظتي ، معذور

لأنّـه صــاحــبـي ياللــي يـواســـيـني

يسـلّـيـني بْســوالف حلمـي المقبـور

ومــن دلّـة شـقـا عـمـري يقـهـــويـني

انــا مـالـي دفـىٰ يــوم الأمـــان دْثـور

وحــتـى نـــار هـــمّــي مــا تـدفّـيـني

وأنـــا مـاردّ بــابـي ،، والألــم طــابور

ولا تقــصــر يمــيني عـــن مُــريـديني

خطاك الشّــر ياقـلـب وبـدون قْـصـور

إذا هالحــــلــم مــــرّك لا تصحّــيــني

لأنّـي مـن فـهـمـتـك ماحوتك صْـدور

واذا مـلّــيـت ،، إسكـن راحــة ايْـديني

عـشــان آذوّبــك وآكــــمّٰــل الدّسـتور

ويبـــقـٰـى العـشـق عـهــدٍ للمحــبّيني