حتى القمح فَرَخ عَ دمعتنا
عـنـتـر رزق الله
العالَم صار شايف مصيبتنا
ومشهد صوَر أوجاع حساسي
العمر نسَرَق مع حلم فرحتنا
ما بترحمونا يا قلب قاسي ؟
رمل البحر باكي عَ غربتنا
صَفْا عَ شط دموعنا راسي
حملنا الوجع من بعد سكرتنا
ما عاد يتحمَل وجَع راسي
وين اللي محسوبين حصّتنا
نسيو شو قالو عشقو الكراسي
جَيش الوَطن شاهِد عَ قصّتنا
حتى القمح فَرَخ عَ دمعتنا
ما عاد الوَضع يتحمَل مآسي
