قلبك والهنا
بيار أديب ضاهر
القلب مراية فيها نشوف
كلّ يل مرّو فيه ضيوف
فيها رح تقشع حالك
كيف تتغيّر أحوالك
في حالة عم تشغل بالك
وشو عم تعمل من معروف…
القلب حكاية ترويها
حَوّا وكيف تحاكيها
إن حبّيتها منه تنال
راحة وفرحة وماشي الحال
وان ظلَمْتْها شغلة بال
تلقى وفي قلبك سيوف…
والقلب تراب من الجنّة
لمّا تفرح بيغنّي
يزهّر ورود وأنغام
وتصفا الحالة لمّا تنام
يعطي أشعار وإلهام
وثبات بأصعب الظروف!
