يا  رب

نبيل  غصن

*باللهجه المحكيه

كرمالَك وحدك إنتْ

ركَعت  وصلّيت

بقلبي وحدك انت

النور  اللي تمنيت

بإيدك  تكوَنت

نجمه  ما بتنام

وع بوابك  تعلّقت

رسالة  حب وسلام

 

  

 زرَعني  بالقلوب

زهرة  حب  وايمان

وزّعني عَ الدروب

نسمة  حق وامان

 

وحدي ما  تتركني

ببحر اليأس الهدّار

مواجو  بتغرّقني

لازم كفّي المشوار

 

 

  لِبْسِتْ  سمانا الزرقا

شلحات  الغيم  السود

عم توقع ورقا ورقا

الوردي ،  ويبِس العنقود

 

يا رب مرقلك مرقا

فوق  الارض  اليباس

ورجِّعها  مخضَرّا

ورِدْ  الأمَل  للناس