مُختارات شعريّة وخواطر نثريّة لتوفيق عكو
-1-
بيسافِر أيلول
بْيركُض هَوا
هاشِل طالِع بِحْقول
يِسرُق تيابْ الشَجَر
يْسَلّمها لَريح طايِر
بأوَّل سَفَر
يِترِكْها بعِريْها بسِحْرها واقفِة
مْلَبّكِة بْغَمْزات مْنِ عْيون القمر
-2-
عِندَ حافّةِ النهرِ
يَتراقَصُ الزّنبقُ
إغواءً في الهواءْ
يُغازِلُ الريحَ والفضاء
و في النّهرِ تحتَهُ فَوْقَ الماء
يَتَقدّمُ زورقٌ عاشقٌ
بباقاتِ زهرٍ
وَ قُبّعاتِ حَبيبيْن ،
في الماءِ
قفزا مُسرِعَيْن
انقاذاً لِقبلةٍ
سَقطَت في النهرِ مَرّتَيْن
-3-
عند سقوطه
لَوْ يعرفُ الورق ما يَشعُرُ به الشجر
لَوْ يعرفُ الشجر ما يَحسُّهُ الورق
هل هو الحنين
هل هو الخوف
من تراه يبلّغ الخريف
-4-
قبل السفر
بْيِندَهلي شِبّاك بِقي لَوَحدو
بِترِكلِك عالمخدّة وَشوَشِة و ايدَيْن
تْنامي وأنا ، بْعيد و قَريب ليليْن
تِغفي ع غِنجْ صابيع
وْ هَمس و حَكي و حَرْفَيْن
وْ ما يُخلَص ليْل انتهى
وما يِدخُل نهار
يَومَيْن
هالزر يللي كان
غنّجني بعينيك
قبل الشمس بكير
قبل النجم يوعا
غافي ع زهر كتير
مرجحني ودّيني فيك
طيّرني و فِيي طير
ضَلّ تطلّع فيي
اعمِلني ورقِة مكتوب
حِبّني هَوا طايِر
راحِل عَ ألف دروب
بِ عينيي قمري
دوّب الوقت و دوب
أسبَق كلّ العَينيْن
اللي بتِجي تِسأل عنّي
فَرَح البساتين
مش لالهن هني،
وَقّع عَلى ايدَيْك
اوّل موسِم و تنّي
سَبقونا العَصافير
طَيّرني و فِيي طير
زِرّ انْقَطَع منّي
اترِكو وَقَع هِشلان
منِ القَطفِة شو بيبقى
بيقلّك الفستان
السأل عنها خيفان
هو و كل الخيطان
و ما عاد يعرف يرجع
هالزر يللي كان
