ولا غلطة
سليمان بختي
مش هين تكون بيّ
وانت ضايع بين ريح البلد وريح الولد
تحمل البيت بإيد
وتحمل الولاد بإيد
ومرات ما في شمعة بتقيد
وتخاف يقلك ولد
يا بيي هون حبيتني اكتر
وهون كسرت بخاطري
وتخاف من الزعل
وتخاف من الرضى
وبس تقعد لحالك بتقول:
كلكن كنتو بالقلب
والقلب ضلّ بمطرحو
ولولا العمر وقساوتو
ما كان حدا انظلم
يا عمر يا مرجوحة الايام
خليك على طول عالي
كأنك ولدت اليوم
وبدك تمشي ع نفس الطريق كل يوم
يا زمن شيل من قلبي
كل الوجع كل القهر
وجرب تعيد العُمر
من أول وجديد
ويمشي على مية مهلو
وتكتب على أول السطر ولا غلطة.
