” تْوابيت كتير”
إيلون هليّل
في تْوابيت كتير
بينقَصا الغَطا.
والموت بَيّ كبير
لَ ولادو نْعَطا،
تحت جناحو يعيشو
النتفي الإسما العمر.
النِسر الفِي عَ ريشو
بِقَح الشمس، يصير
عَ شَربين القَبر
يعلِّق طَيَرانو،
وبْ منقارو يدقّ
عَ المَوْتا الجيرانو:
يفتحولو بيوتُن
يشبّقلُن ويشقّ
عَ ترابُن، عَ سْكوتُن:
شافُن قَبل الموت
بِ تْوابيت كتير
بينقَصا الغَطا.
عَلّـا فَوقُن، فَلّ..
وْلا بَزمي، وْلا صوت
هَمَسلو تَ يضلّ !
