صورتِك بالقلب
عنتر رزق الله
طل الصبح بعيون مسروره
والقلب ضايع ما بيعرف مطرحو
وإنتي قبالي متل عصفورة
نظرات عينيي عليكي تمرجحو
وصار العرق نازل ع وجي وإمسحو
افتكرو الأطبا الأمر حزوره
يا ريت لمحو اللي كنت عم إلمحو
يمكن أشعه وفرو وصوره
وصوتك متل شي ناي حزني جرحو
لما افتكرتي الأمر في خطوره
ولما عيوني من الفرحه صحصحو
قلتي ما بدي تروح عالصوره
بخاف الطبيب الأمر يبقى يفضحو
وتكشف الصوره أمور مستوره
