لبنان…

لميا أ. و. الدويهي

 

حملتَك يا لبنان بقلبي

ونادي بإسمَك، كان همِّي

خبَّرت عن سِرَّك

وقدَّست مَجدَك

إنتَ اللي إسمَك

بيعني قلب ربَّك

إنتَ اللي تشبَّه بطلِعتَك،

طلعة الرُّوح،

اللي انعطالك مجدو،

مجد السَّما الحالِل عأرضَك،

أرض قديم الزَّمان…

اليوم عم يشهد ترابَك 

عرس السَّما،

عرس الحقّ،

وعم تلبس الأرض

حلِّة المجد،

حلِّة الإنسان، 

اللي بيآمن بأرض لبنان،

اللي بتجمع كلّ الأديان،

رسالة الأكوان

المختارة من بدء الزمان…

اليوم السَّما والأرض 

بيصرخوا سوا لبنان…

مريم! عروسة لبنان،

تسطفل باولادها وأرضها، 

هيي بتعرف كيف تحل السلام بالنفوس 

وتزيِّين بالحكمة العقول

وتردّ ظلم الفجَّار 

وتحمي لبنان 

وتردّ لكل صاحب حق حقو… 

وتشتِّي عكل لبناني رحمة،

تزهِّر نعمة، 

يفوح عطرها عكل الدِّيني…