قدَّست حُبَّك…
لميا أ. و. الدويهي
باسم الآب اللي خلقك
والروح اللي مجَّدَك
والإبن اللي حلّ عأرضَك،
رح بتضلَّك لبنان الأزل
اللي قلبو بقلب الرَّب انجَبَل
لبنان اللي ما بيموت
اللي عم يتجدَّد شعبو بالرُّوح
وينفُض عنُّو الجروح
ويكسِّر القيود
ويرفرف عجوانح الحياة
شهادة لربِّ الحياة…
هيدا لبنان النعمة
اللي ما بتنتهي
المغروس أرزو
بيمين ربُّو
شاهد على سِرُّو
المتجلِّي عأرضو…
لبنان!…
قدَّست حُبَّك
من لمَّا لفظت إسمَك
صلاة بتكرِّس الديني
لمَجدَك…
(22- 11- 2019)
