مِنْ هَوْن…
باسم عون
*نْكايي بِالكورونا … بَسْ هيك
مِنْ هَوْن، مِنْ هَالجَبَلْ يا الله
رْفَعْنا الصَّلا عن هَالدِّني كِلّا
بْأَرْض القَداسي هَوْن مَزْروعين
مْن دْهور ، مِنْ شي تْكَوَّنِ التِّكْوين
وْعَنّا لْ خَلَقْنا … يَوْم مَ تْخَلّى
وْمِنْ هَوْن نِحْنا ، مِن جَبَل الله .
أَرْزاتْنا بِالرِّيح ، شِمْتانين
وْكِلْما إلا عَ الغَيْم تِتْعَلّا
وْأَدْيارْنا يا بَحِرْ قِدِّيسين
مِنْ أرض رَفْقا لَ أَرْض حَرْدِين
وْشَرْبِل لْ فِيك سِكْران يا الله
وْمِن هَوْن نِحْنا مِن أَرِض الله.
قالو لْ وَبا ؟ شُو هَمْ! يَمّا جُوع؟
حْسِبْها مْحَطَّه بْجِلْجِلِة يَسوع
وْما زال دَرْبِ السَّما كِلّا طْلوع
مْنِمْشي مَ مَطْرَحْ رَبْنا تْجَلّى
وْتَنْخاف عَ لِبنان ؟ مَ مِنْخاف!
هَيْدا وَطَنّا، ” وَقْف” لَ الله…
وُمِن هَوْن بَدْنا نْمَجّْدو لْ الله.
