كنا زغار..!!!
نبيل غصن
تذكّر لما كنا زغار
وبفيّات الغابه نلعب
نتخبى خلف الاشجار
نركض، نتشيطن،
ما نتعب
تذكر لما كنا زغار
***
تذكر ايام الطفوله
لما كنت بقربي
ولفتات البنت الخجوله
الفزعاني عاللعبه
كنا ولاد.. ورفقه كتار
تذكر لما كنا زغار
***
كنا نغّني العمر ونفرح
ما نسأل شو مخبي بكرا
تاري بكرا
سيف بيجرح
بيفرِّق بين
صَحوِه وسَكره
***
وان قِدرِت تروي الاخبار
كل اللي صار وما صار
ما بتقدر توصف وتصوِّر
فرحِةْ وقت لكِنا زغار…
(Xanax)
