من حالَك أُخطُف حالَك…

لميا أ. و. الدويهي

شو حابِّي من حالَك

أُخطُف حالَك

ولعند حالي جيب حالَك

وإغرف من حالي نبضات تحيي حالَك…

شو حابِّي أنا وإنت نكون سوا

عم بيسابقنا الهوى

عمساحات

صيَّرناها واحات

لمَّا ابتدى العشق يشبُك بحياتنا

جدايل عمر ما بتنتهي بيناتنا…

حُبَّك بيمتدّ لَحْدود الوَجد

اللي ابتدا فينا منذ البدء

بحياة حلِّت عالأرض

بزيارة لَوَقت،

ومن قبل وبعد،

كانت وبقيت خارج الوقت،

وبالقلب علامة حبّ وفيض

حَلَّى اسرارو من دون غَيض

وبوجودو كمَّل بجَد

تسلسل لهالدَّرب…

٢٣ /١/ ٢٠٢١