كِلُّون صلاة

لميا أ. و. الدويهي

… والترقُّب هوِّي صلاة

والصَّمت هوِّي صلاة

والمثابرة هيِّي صلاة

والتحمُّل هوِّي صلاة

والرَّجا هوِّي صلاة

والصَّبر هوِّي صلاة

والتبصُّر هوِّي صلاة

والثَّبات هوِّي صلاة

والإيمان هوِّي صلاة…

وهوَدي جزء بسيط من الصَّلاة

بس بيغنوا الإنسان بالنِّعَم بوقت الصَّلاة

والحب؟!…

هوِّي السلسلة اللي بتجمعون سوا…

ما حدا يقول ما عندي صبر للثبات

ولابقدر إتحمَّل الآلام…

ما حدا يقول شو نفع الحياة

إذا كانت كلّها أحمال…

ما بينبَنى الإنسان

من دون ما تغرس الآلام

بتربة قلبو من هالنبتات

تا تزهِّر حياتو

ويقدر يشتري ذاتو…

ما فينا ننسى: «الحبّ بيصنع المعجزات»

شرط بسلسلتو نحافظ عكل الحبَّات…

٢٩ /١ /٢٠٢١