نجمة
سليمان بختي
كل يوم بفتح الشباك
لتفوت نسمة هوا جديدة
وبتخيلها امل
بتطلع ندى مغطى برمل
كل يوم منشوف الموت
والأبلغ موت بكاتم صوت
بيجي على شكل صورة
بالفيسبوك او الانستغرام او التويتر
موت بتفتكرو رايح
وبيكون جايي
كل اللي راحوا ندموا
وكل اللي رجعوا ندموا
وكل اللي ضلوا ندموا
مين سهمد هالطريق
ولما مشينا نسينا
والتهينا برفقة الطريق
كل يوم منشوف الخوف
والأبلغ الخوف من بكرا
الخوف اللي بيهزّ الركب
يا امان الخايفين
كل يوم منشوف اليأس
والأبلغ نجمة بالسما بتطلع
بتضحكلك وبتفتكرها
الك وحدك
نجمة بتفوت عَ قلبك
متل النسمة
وما بتعود تطلع.
