حالي بحالَك…
لميا أ. و. الدويهي
بحِسّ حالي بحالَك
وحالَك حالِل جوَّات حالي
بَعرفَك من قبل ما تكون
إنتَ جزء من هالعيون
نَفَسَك ساكِن الرُوح
ومَسام القلب والرُّوح…
هَواك ختم جروح
وطيفَك لمَس عِمق مَختوم…
بِتْنَفَّس، بتِنْتِعِش…
بتِتنَفَّس، بعيش…
حُبَّك وجود…
لمَساتَك خُشوع
بتِلهُب القلب والرُّوح
بيضوي فينا حُضور…
وشو بحبّ لمَّا بتقول
إنَّك معي بتعيش جنون
بيوعِّي فينا حُبور
حدودو بتبتدي فينا
وبتخلص عابواب أمانينا…
٤ /٧ /٢٠٢١
