وقت  الكرباج

 نبيل  غصن

 

  *باللهجة المحكية

 

 

من سنين ونحنا عم نسمع

هالكلام  لْ عَمْ  ينقال

عن لبنان  الكرامه

الحرّيي .. والاستقلال

والمحبّي .. والأخوّي

وجبين لِ  ما بينطال

من سنين ونحنا عم  نحلم

والحلم  بيكبر  بالبال

           

عم ننطُر  والنطره صعبي

 والواقع … أصعَبْ

عملونا  طابي ورميونا

بِـ أرض الملعبْ

قالو  بكرا  رح  نرتاح

والفَرَج  قرَّبْ

تاري  هنّي  ل مرتاحين

ونحنا   لِ  عَمْ  نتعبْ

      

شي جوعان .. وشي يئسان

الحالي  بالمَرّا

لا  تلومونا  شو  ما  قلنا

الحقيقه  مُرَّه

تجّار الهيكَل  ما  شبعو

يعَبّو  بالجَرّه

هلّقْ  صار  وقت  الكرباج

تَ   نحِطُّن   بَرّا …!!