بَينَك وبَينو كمشتَين قمار
عـنـتـر رزق الله
كنا سوا كلما لتَقينا نهار
بضحكة عيونَك نور يتجَلّا
من فرحتَك ياما حصدنا غمار
كلما جبينَك عَ السما عَلّا
باقي معي تَ يخلص المشوار
زَهر القصيده من رزق الله
دَمع القصايد حامل معو أسرار
وجرح الوَجَع مع قلبَك تسَلى
من محبتَك باقي كتير جرار
وعنَك يا بَيّي الرب ما تخَلّا
بينَك وبَينو كمشتَين قمار
شو ما طلَبت بيسمعَك الله
***
*لمناسبة مرور أسبوعين على وفاة الوالد