جايبلي سلام

حبيب يونس

تِخْمين جايِبْلي سَلامْ؟

عَصْفور عَ شِبّاك بَيْتي

غاطِط مْنَهْنَهْ… حَرامْ.

تِعْبان بِالْحِمْل وْكَأَنّو يِمْكِن

بْعيدي الْمَسافي مْنِ الْجَنايِنْ لِلْمَنامْ؟

أَوْ يِمْكِن دْموع الْحَنايِنْ

تَقَّلو عَ جْوانحو

وْلِمِّنْ وِصِلْ عِمْلُنْ مخَدّي

وْمَدّ ريشاتو سرير

وْصَبَّح عْلَيّي ونامْ؟

وِوْعيت مِنْ نَوْمي خِفِتْ

وَعّيه… أَوْ وَعّي الْمنامْ،

حِيَّكْت، تَ غَطّيه،

نِتْفِةْ فَيّ وِعْمِلْتُنْ حرامْ…