مختارات شعرية…
قيصر مخائيل
في حور عالي وفي دلب ختيار
خلقو سوا وترافقو المشوار
مدو كفوفن سقف فوق البيت
مطرح ما عشت وعالوفا تربيت
وإيدين أهلي لخطوتي زنار
في ورود حلوة معمشقا بالفي
بتشحد من الشباك شربة مي
وفي ولاد بعدو صدا خيالن
ولو سافرو عم يقشعو حالن
عا دراج تعبو من المشي يا خطيّ
*****
قاصد أنا زورك يا هاك البيت
وحاولت اشلح عين عالتالة (ي)
ما عرفت ليش وكيف تا نخّيت
من تحت عتبي محردبي تربيت
شفت الحجر ماسح جبينو بزيت
ومنديل امي راكع يصلي
