الشاعر

حسين عاصي

 

يا غصن الشعر قلي مين حفّك

                      تا فاح العطر والبخور لفّك

أكيدي الشاعر الموهوب أبدع

                     وبعرس القافية للزهر زفّك

يا شاعر إنت لا أحلا ولا أروع

               يا باني فوق سطح الغيم صفّك

إنتْ خمرة الشعر فيها تمتّع

                       وتم العبقرية  كتير  شَفّك

إنت بيّ البلاغة بكل مجمع

                    يا نهر الما حدا بيقدر يجفك

إنتْ منبر حياتك متل منبع

                  وحنين الفلسفة من لحن دفّك

يا شاعر إنت للكلمات مرجع

                  وشهد كل يوم لو قدران شِفك

ببرم هالدني وبعود برجع

                   يا نسر لي دوخ هالكون غفّك

كان العتم عالدنيا توزع

                            لوما تكون للكلمة منارة

        ولوما الشمس مطبوعة بكفك