وعدني الشوق
عـنـتـر رزق الله
وَعَدني الشَوق ب هديه عَ عيدي
ب غمر قمار من حضن القرايب
حملني وطار وغمرتو ب أيدي
هَدَيتو كتاب من عطر الحَبايب
***
عَ أيدي نام وتهنى وريدي
نَدَهلي الليل من غَيم المغارب
وتَ تبقى بَسمة عيونِك فريده
غَمَرت العيد ودفعنا الضرايب
***
أخَدني الريح عَ جناح المجَره
تَرَكني وراح عَ دنيه بعيده
وعيت الصبح سابح ب المسَره
ب رحلة عمر لَ عيونِك أكيده
***
ب صدري رماح من شَوق زايد
خاويت جراح عَ قلبي عَنيده
طلعتي مرا بتحب القصايد
بقيت نهار اكتبلِك قصيده
